Biyernes, Hunyo 17, 2011

Ang Ikos sa 4 Pillars (The Cat on Four Pillars)



Nakatambay ako sa 4 pillars, nakahirihigda ako, alas onse na yata ning bangi. may nag rani sakong ikos. nag “memeow” sya. medyo maluya na ang boses.
mahahalata na paas-paas na sya. pinabayaan ko syang magrani sako.
Asin nag luko siya sa kataid ko. Pinabayaan ko lang. tapos natuninong na sya. dae na siyang girung-girung. Medyo nahahalata ko man na medyo pilay sya. dae naghaloy nakaturog na siya. Pigpara hiling ko sana si ikos, asin napag isip-isip ko.

“ang tawo arog man kaini. dakulon pinag-aagihan. minsan atang pagal-pagal kana ngani mayo ka pang maranihan. itong hanggang nag abot kana sa puntong paas-paas kana kakukurahaw pero mayo manlang makadangog sa saimu.”

hinimas ko si payo kang ikos, napamata sya. pero nahiling ko ang ngirit sa pagal-pagal na niyang lalawgon. namamati ko na namamati niya ang gusto kong ipa abot, na dae siya nag sosolo.

“arog kang tang mga tawo, siyempre dae kita basta-basta masuko. dae kita basta-basta mapundo mag kurahaw hanggang maubosan kitang boses. pagkatapos pag nag abot na sa panahong masuko na kita, minsan nag aarabot ang satuyang mga maapod na barakada. na mahimas kang payo ta. na ma tao satu ning dahilan para mag padagos. na mapangirit satu pagkatapos kang gabos na kapagalan.”

Nakatangad ako sa langit naka hiling sa pipirang mga bituon sa langit asin bilog na bulan. dae ko namalayan nakaturog na palan ako. kang mahali na ako ta ma alas dose na, pig hiling ko guiraray si ikos. turog-turog man guiraray. Imbes na bayaan ko siya, nagtutukaw-tukaw muna ako ning pirang minuto. pagka haluy-haloy namata na siya naghali na ako. narisa ko man sa lalawgon nya na dae na sya pagal. nakabawi na siya sa kapagalan.  saka na ako naghali. nakokonsenya man ako para bayaan sya o maski gustuhon ko man siyang iiba, dae mapwepwede. naglakaw na ako parayo saiya. nakahiling ako saiya.  paparayo. paparayo. pagkasakat ko sa dorm. tina’naw ko sya sa bintana. malipot, nagtatagiti, nag-aambon. yaon man guiraray siya duman nakatukaw. nakaloko. naghahalat. dae ko aram.

“arog kang tawo. nabubuhay. nakikipagsapalaran. naghahanap ning kaugmahan. pagkatapos napapagal. nagkukurahaw sa palibot para makahanap ning makakatabang. maabot sa puntong mayong marani saimu. makakanood kang magtindog solo. maabot man sa puntong may matabang saimu. maabot sa puntong mapundo kana. dae ta napapagal kana kundi dahil nahanap mo na si kaugmahan mo. pero, dae mo manlang naisip na may mga bagay na dae permanente. maabot ang panahon. babayaan ka kang nagpapaugma saimu. mayo kang ibang magigibo kundi, poon sa kinatitindugan mo, hilingon, dangogon asin mati-mation ang dikit-dikit na paglakdang paparayo kang nagpapaugma saimu. dae mo maiiwasan na mag-asang mabalik sya. dae ka mahali sa kinakatindugan mo. maski mauranan ka o mainitan nakatindog kaman guiraray naghahalat. dae mo mamamati ang pagal. ang pauy. ang init. ang lipot sa mga panahaon na naghahalat ka. pero pagnagtukaw kana. nagpahingalo. nagsuko na. saka mo mamamati si kapagalan. si mga sa kaugmahan na rason kung tanu ka naghakat ning halawig na panahon. magigirumduman mo si kada segundo na maogma ka sa kataid niya. maiisip mo si mga bagay na gusto mong gibuhon kaiba siya. mamati mo si lambing, kaugmahan asin pagkamoot na dae mo naipa-abot kang mga panahon na magkaiba pa kamu.  mamati mo si lambing, kaugmahan asin pagkamoot na nakasaray na para lang saiya…”

(pagkatapos kang sarung oras. Habang ini-encode ko ini…)
Tina’naw ko guiraray si ikos sa 4 pillars. mau na siya. napag-isip-isip na niya siguro na dae na ako mabalik. naghali na siya. dae ko aram kung ano ang gigibuhon niyang sunod. mapadagos kang paghanap ning bagong kaugmahan. masirong para makapagpahingalo para halaton na mag-aga para makapoon ning bago. o pahingalo lang ning dikit na minute tapos mabalik man guiraray sa four pillars kung sain nya nahiling si kaugmahan na dae nya mababaya’-bayaan. kung sain nagpoon si gabos…

“There were some people who just love,
and when they love someone sometimes they just ignore the pain,
and when they love someone sometimes they just mean it,
and when they love someone sometimes it’s just  forever…”

-IAmMiggy